O swing cosmopolita inspirado nas raíces da música portuguesa da banda musical Orquestrada puxo este domingo o broche de ouro aos concertos organizados durante a última semana na praza da Ferrería como parte da programación das Festas da Peregrina.
A banda lusa congregou na praza a un nutrido grupo de espectadores, que gozaron da proposta musicial que está a gañar adeptos por toda España e Europa tras anos triunfando nos concertos do seu país e presentaron sobre o escenario pontevedrés pezas do seu primeiro disco, Tasca Beat, e da súa última produción, AtlanticBeat Mad'in Portugal.
O cóctel de voces e instrumentos puxeron o acento portugués a este fin de festa que chega tras cultivar éxitos de público en todas as actuacións programadas nesta praza.