A cantante Tamara foi a encargada na noite deste domingo da traca final da programación musical das Festas da Peregrina 2017 cun concerto para o que os pontevedreses xa gardaron sitio desde varias horas antes e que volveu encher a praza de España.
Ao ritmo dos seus boleiros e cancións melódicas, a cantante sevillana meteu o público pontevedrés no peto. Os seus grandes éxitos, como Si nos dejan ou Cada día e famosas versións como a da canción de Roberto Carlos El gato que está triste y azul levárona ao estrellazgo e este domingo seduciron ao nutrido grupo de espectadores que encheron a praza de España.
O de Tamara foi o último dos grandes concertos das Festas da Peregrina na praza de España, escenario polo que pasaron nos últimos días artistas da talla de Roi Casal, Mago de Oz, Juan Magán, Morat, Fangoria ou Novedades Carminha e a Familia Caamagno.