Unha baixa de última hora obrigou á organización do Surfing the Lérez a facer cambios no seu cartel. Os neozelandeses Labretta Suede & The Motel comunicaron que non poderán viaxar a Pontevedra. Pero o festival xa atopou un substituto á súa altura.
A enérxica proposta musical da banda galega Terbutalina cubrirá o oco que quedaba libre. Tras o seu fallido concerto no Galegote Rock, terán unha segunda oportunidade para mostrar os seus novos temas ao público pontevedrés.
Con eles, o Surfing the Lérez gozará cun estilo que vai desde o punk e o pop ata o rock e a música tradicional galega.
O concerto de Terbutalina será o sábado 22 de xuño ás 17.35 horas.
O seu horario obriga a realizar un lixeiro cambio nos concertos dese día e a actuación da banda Holywater pasará a ser ás 15.30 horas.
Os horarios definitivos, por tanto, serán os seguintes:
Venres 21
ESCENARIO MAHOU
18.00 horas: Fondo Norte
19.05 horas: Selvática
20.15 horas: Malkeda
22.00 horas: Heredeiros da Crus
Sábado 22
ESCENARIO MAHOU
12.45 horas: Basanta
14.25 horas: Tony Lomba y Elio dos Santos
16.25 horas: Sex Museum
18.25 horas: Rayotaser
20.05 horas: The Lelli Kelly's
21.45 horas: Ortiga
ESCENARIO KARMA
12.00 horas: Mushu
13.35 horas: Santi Araújo
15.30 horas: Holywater
17.35 horas: Terbutalina
19.15 horas: Maneiro
20.55 horas: Anaut
22.35 horas: Thee Blind Crows
23.30 horas: Familia Caamagno