O escritor de orixe alacantina Vicente Ferez presentará en Pontevedra o sábado 6 de xullo o seu poemario 'Réquiem' publicado por Editorial Discursiva.
A cita será no Café de Cine de Pontevedra coa intervención do autor e do poeta e escritor pontevedrés Alexander Vórtice. Tamén participarán Pablo Borja P. Portabales, do Colectivo Metalírica; e Enrique Sotelo, editor de Discursiva.
A ópera prima deste autor preséntase en Pontevedra con motivo da súa visita a Galicia para acudir á Festa dos Libros, que se celebra durante esta fin de semana.
O poemario ofrece unha crítica social contundente con profundidade e vitalismo, segundo explica Vórtice, autor do prólogo.
'Réquiem' recolle versos intensos, necesarios e enriquecedores que penetran tamén na fugacidade da vida.