A falta de mes e medio para a súa nova edición, o festival A Revolta do Umia anunciou as horas e días dos dezasete concertos que se celebrarán no recinto de Vilar de Mato, en Cuntis, os días 26 e 27 de agosto.
O venres 26 actuarán Fillas de Casandra, Bellvitge Solar Corona, Loita Amada, Aphonnic, Ícaro, Xaby DJ ou a banda estradense Pants Off.
O sábado 27 será a quenda para Igloo, Eladio y los seres queridos, Mundo prestigio, Dharmacide, Dani, Copa turbo, Gator the alligator, Ortiga, Monoulious Dop e La Duendeneta.
Este último pinchará tanto na sesión vermú como na última hora de peche do festival.
Os abonos, as entradas de días, as prazas para a zona camping ou de autocaravanas, os obradoiros ou as actividades que requiran reserva previa poden adquirirse na web oficial do festival http://arevoltadoumia.gal.