O Club Baloncesto Arxil volve recorrer á liga universitaria norteamericana (NCAA) para tentar achegar un extra de calidade ao seu plantel de Liga Feminina 2.
A entidade pontevedresa anunciou este martes á súa segunda fichaxe, a pívot estadounidense Heather Forster.
Trátase dunha xogadora de 1,88 metros, nacida no ano 1996 que afrontará a súa primeira experiencia profesional tras completar a súa formación na Universidade de Albany.
Forster, na súa última tempada na NCAA, alcanzou de media 9,9 puntos e 7,3 rebotes por partido.
"É forte no rebote defensivo, boa defensora, en ataque xoga moi ben dentro da zona e ten tiro a catro ou cinco metros", describen desde o Arxil sobre as súas capacidades.
A pívot únese así á sueca Linnea Rosendal e ás renovadas Cristina Díaz-Pache, Carla Fernández e María Lago como xogadoras confirmadas para o próximo proxecto das verdes.