A ausencia de ondas na praia da Lanzada levou á organización do Surf Rías Baixas Pro a cancelar de xeito definitivo do evento.
Dende a organización difundiuse un comunicado no que se empraza os afeccionados para a edición do próximo ano.
Ata o emblemático areal da Lanzada acudiron algunhas das principais figura do surf internacional como Joan Duru, o campión de Europa ASP, Marlon Lipke; o vigués Gony Zubizarreta ou a campioa do mundo júnior no 2010, Alizee Arnaud.
Para este domingo estaba prevista unha intensa xornada na que se pretendía concentrar toda a competición, pero ao igual que nos tres días pasados a dominical foi unha xornada de calma chicha co mar como un prato sopeiro.
Pola contra mantivéronse todas as actividades complementarias: os bautismos de surf, charlas, as rutas de paddle board ou exhibicións de long skate, entre outras.