O calendario do que ía ser o último ano na modalidade olímpica para Javier Gómez Noya está cada vez máis no aire.
Este venres, a Federación Internacional de Tríatlon notificou a extensión do parón de todas as súas competicións ata o 30 de xuño debido á emerxencia sanitaria polo COVID-19.
Aínda que os eventos estean suspendidos, Marisol Casado, Presidenta do Tríatlon e membro do COI, explicou que manteñen o contacto con todos os involucrados nas diferentes actividades "para atopar datas e posibilidades alternativas".
En canto ás competicións que, de momento, manteñen a súa data, son as Series Mundiais de Hamburgo, que se celebrarán os días 11 e 12 de xullo, e a Gran Final de Edmonton, que terá lugar na cidade canadense do 17 ao 23 de agosto.
Doutra banda, foron suspendidas as Series Mundiais de Yokohama ou a proba da Copa do Mundo de Paratriatlón que se ía a celebrar na Coruña durante os días 6 e 7 de xuño.
Mentres tanto, e coa esperanza de que esta situación finalice canto antes, os deportistas séguense exercitando desde as súas casas cumprindo coas recomendacións sanitarias.
Engade Pontevedra Viva como fonte preferida de Google de balde
Mantente informado coas últimas noticias de actualidade.