Cita importante para a natación pontevedresa e nacional, que se prepara para a súa primeira gran competición da tempada co Campionato de España de Inverno en piscina de 25 metros que se celebrará do 20 ao 22 de novembro en Castelló.
Trátase do primeiro test de nivel en moitos casos para os deportistas que aspiran a conseguir a súa clasificación para os Xogos de Tokyo, pasaporte que se poñerá en xogo no Nacional Open de Primavera.
Entre eses nadadores atópase a pontevedresa Bea Gómez Cortés, que desde hai uns meses trasladouse a Asturias para preparase co CN Santa Olaya.
A deportista olímpica en Londres 2012 inscribiuse en tres probas no Campionato de España, as de 200 estilos e 400 e 800 libre.
Ademais en Castelló competirán dous representantes do Club Natación Galaico. Serán Antía García (50 libre e 50 bolboreta) e Daniel Sánchez (50 costas).