A Gimnástica ponse en marcha para afrontar unha ilusionante tempada, na que o seu equipo masculino defenderá de novo a elástica pontevedresa na División de Honra e o feminino competirá en Primeira División, tras o ascenso logrado a pasada campaña.
O groso dos atletas locais do club iniciou esta semana os adestramentos no Centro Galego de Tecnificación Deportiva, ás ordes de Santi Ferrer.
Uns días antes xa comezaran a súa posta a punto o grupo adestrado por Pablo Díaz, polo que a entidade atlética dá por iniciada oficialmente a súa pretempada, na que buscará unha boa posta a punto que axude a conseguir os obxectivos individuais e colectivos de cada deportista.
Só falta agora que se inicie o curso nas escolas deportivas, a principios de outubro, para que a actividade da Gimnástica sexa plena.