Afeccionados á vela e regaistas galegos poderán gozar este sábado dunha clase maxistral sobre vela oceánica nas instalacións do Real Club Náútico de Sanxenxo.
Alí, da man da Federación Galega de Vela e Movistar, poderán navegar no barco Telefónica Negro que disputou a Volvo Ocean Race 2008-2009.
Á fronte das leccións estarán un grupo de regatistas entre os que destacan Pablo Iglesias, Pablo Arrate e Diego Fructuoso, todos eles participantes na Volta ao Mundo a Vela.
A xornada de navegación polas rías de Pontevedra e Vigo comezará pola mañá cunha charla entre os participantes e os regastistas profesionais.
O barco Telefónica Negro, no que se navegará aproximadamente catro horas, estivo patroneado polo campión Olímpico Fernando Echávarri, primeiro patrón galego en gañar unha etapa da Volvo Ocean Race.