Esixente proba para o Poio Pescamar no obxectivo de consolidarse entre os oito primeiros clasificados na Primeira División Feminina.
O equipo vermello recibe este sábado (18:30 horas) no pavillón da Seca ao polo momento intratable líder da competición, o Atlético Navalcarnero, que suma os seus nove partidos por vitorias.
Será un partido especial para a canteirá do Poio Nere Moldes, que regresa por primeira vez con outro equipo ao pavillón que a viu crecer como xogadora.
As xogadoras adestradas por Marcio Santos deberán estar ao seu mellor nivel para dobregar a un equipo, o Navalcarnero, infestado de internacionais como Ju Delgado, Ariadne Santos e Desi por Brasil ou Leti e Amelia por España.
O técnico do conxunto pontevedrés non poderá contar para o choque con Patri Corral, que estará de baixa tres semanas por unha escordadura de ligamentos.
A convocatoria vermella compóñena: Sara, Silvia, Charo, Ale de Paz, Jenny, Ceci, Suki, Jessy Lores, Carol e Jessi.