O Pontevedra Club de Fútbol deberá afrontar as dúas últimas xornadas de liga, decisivas para tentar esquivar o descenso a Terceira, sen Adrián Cruz.
O centrocampista de Moaña causou baixa de maneira inesperada para o choque fronte ao Sporting B por problemas físicos.
Tras someterse a un exame médico, a última do luns o club granate confirmaba a lesión: microrrotura fibrilar na unión miotendinosa do sóleo e o xemelgo.
O seu tempo estimado de baixa é de dúas semanas, xusto o que resta para concluír a tempada coa partidos fronte ao Lealtad e o Real Oviedo Vetusta.
Con esta lesión Adrián Cruz pecha unha campaña irregular marcada por outra lesión, nos abdutores, que lle mantivo afastado dos terreos de xogo ao redor de dous meses.