O Club Natación Galaico realizou un bo papel no Campionato de España de Natación de Longa Distancia disputado a pasada fin de semana na localidade catalá de Mataró.
Na cita, para as categorías infantil, junior e senior, o club pontevedrés conseguiu a terceira posición na clasificación xeral por equipos feminina con 26 puntos, polos 35 do Sant Andreu e os 85 do gran dominador, o Sabadell.
Ademais Águeda Cons conseguiu a nivel individual a medalla de bronce na proba de 5.000 metros junior, cun tempo de 1:00:27, mentres Paula Goyanes foi cuarta na categoría junior 2 (1:00:45).
Doutra banda a piscina do Complexo Deportivo Rías do Sur foi escenario o sábado da segunda xornada do Circuíto Adan de Natación para as categorías infantil, junior e absoluta, reunindo a 150 nadadores de dez clubs galegos.