Nove atletas da Sociedad Gimnástica de Pontevedra desprazáronse esta fin de semana a Valencia, cidade na que se disputou o campionato de España absoluto de atletismo en pista cuberta.
O mellor resultado para o conxunto pontevedrés foi o sexto posto logrado por Alberto Guerrero na proba de 800 metros lisos. Marcou un tempo de 1:52.27.
Nos 200 metros, ademais, Alberto Salcedo clasificouse para a final ao lograr, con 21.70 segundos, o terceiro mellor tempo da súa semifinal. Con todo, unhas molestias físicas impedíronlle competir polas medallas.
Pola súa banda, non lograron chegar á final Gonzalo Sánchez Camacho (60 metros lisos), que quedou apeado en semifinais; Roberto Tello e Ignacio Sarmiento (400 metros) ou Carlos Porto, décimo na súa semifinal de 1.500 metros.
En triplo salto, o recente campión de España sub-23, Anxo Blanco, logrou un mellor salto de 15.04 metros e quedou en décimo terceira posición; mentres que Víctor Gallego lanzou en peso ata os 1.75 metros, o que lle outorgou a duodécima praza final.
Por último, no heptatlón Francisco López Smith finalizou en novena posición con 4.754 puntos.