deportes

Alejandro Muñiz, designado para o partido que abrirá a tempada en Primeira División

Pontevedra

14 de agosto 2024

Diego Espiño

O colexiado pontevedrés será o que dará pistoletazo de saída oficial á liga 24-25 en Primeira División dirixindo este próximo xoves o partido entre Athletic Club e Xetafe. É a súa cuarta campaña como árbitro na máxima categoría

Alejandro Muñiz, no partido de Primeira División entre Almería e Betis

Un pontevedrés será o encargado de inaugurar, co seu chifre, a tempada na Primeira División do fútbol masculino nacional.

Alejandro Muñiz Ruiz é o colexiado que escolleu o Comité Técnico de Árbitros (CTA) para dirixir o primeiro encontro do curso, este mesmo xoves 15 de agosto ás 19.30 horas da tarde.

En concretro Muñiz, que afronta a súa cuarta campaña na máxima categoría, foi designado para o encontro que medirá a Athletic Club e Getafe CF no estadio bilbaíno de San Mamés.

ÁRBITROS | Estos son los colegiados designados para la jornada de la Temporada 2024/25 de División masculina.

Designaciones completas: https://t.co/IbZ5TMrtF6 #ArbitrajeRFEF | @CTARFEF pic.twitter.com/VhX562Ksej
— RFEF (@rfef) August 14, 2024

O pontevedrés, auxiliado polos asistentes Fabián Blanco Rodríguez e Ignacio Alonso López, contará coa axuda de Martínez Munuera como responsable do videoarbitraje (VAR).

Este encontro será o número 57 que dirixa Alejandro Muñiz en Primeira División.

Máis novidades