Despois de tres derrotas consecutivas, o Peixe Galego quere volver á senda do triunfo que lle permita seguir pelexando pola permanencia na LEB Ouro.
Non será tarefa fácil, pois os de Marín recibirán o vindeiro sábado 10 de decembro (20:00 horas) ao Unión Financeira Oviedo, actual sexto clasificado.
A cita servirá ademais para potenciar a cara máis solidaria do club 'peixe', que anunciou unha recollida solidaria de alimentos o día do partido.
Como premio á colaboración, cada afeccionado que achegue polo menos un quilo de comida recibirá unha entrada para o seguinte partido do equipo na casa, o martes 20 de decembro ante o Tau Castelló.