O Campionato de España de ciclismo en pista celebrouse a pasada fin de semana en Valencia coa participación de dous ciclistas do Grupo Deportivo Supermercados Froiz, Álvaro Navas e Alejandro Gómiz.
O evento comezou o sábado coa disputa da modalidade de ómnium na que o novo Navas demostrou todo o seu potencial para proclamarse campión nacional. E ao día seguinte estivo a piques de repetir a machada na proba de madison, na que tivo que conformarse cun doce segundo posto.
Doutra banda, na Copa de España de Ontur, a escuadra alimenticia viuse lastrada polo forte vento que provocou os temidos abanicos no pelotón e deixou nunha difícil situación aos escaladores. Aínda así, os de Evaristo Portela lograron salvar o día e evitaron que os líderes Vicente Vermellas e Eduardo Autran perdesen tempo.