Sanxenxo acolleu este domingo as finais do Campionato de España de Seleccións Autonómicas de Fútbol Praia para as categorías absoluta e senior.
Con elas púxose fin a dúas semanas de emoción e deporte en plena praia de Silgar, que encadeou este campionato coa recente Liga Europea.
Andalucía foi a vencedora do torneo na categoría absoluta, tras vencer na final a Murcia por 7-3, tras remontar o tanto inicial dos murcianos.
Galicia protagonizou un bo papel na competición, pero caeu eliminada en semifinais ante Murcia nun emocionante partido por 1-2.
Pola súa banda na categoría xuvenil foi precisamente o combinado murciano o gañador do campionato, ao impoñerse na gran final a Melilla por 6-2, nun choque máis apertado do que sinala o marcador final.
Nesta categoría o equipo galego foi eliminado por Melilla tamén en semifinais ao perder por 4-6.
A entrega de trofeos do Campionato estivo protagonizada por Nava Castro, directora de Turismo de Galicia; Gonzalo Pita, alcalde de Sanxenxo; Diego Martínez, presidente do Comité Nacional de Fútbol Praia da RFEF; Joaquín Alonso, seleccionador nacional; e Rafael Louzán, presidente da Federación Galega de Fútbol.