O XV Campionato de Galicia de Marcha de Inverno, celebrado a pasada fin de semana na Pobra do Caramiñal, tivo dous claros protagonistas, os irmáns Antía e Daniel Chamosa.
Os atletas de Cuntis, ambos os internacionais, cumpriron os prognósticos e alzáronse co título na proba dos 5 quilómetros.
Con Antía (CA Valladolid) subiron ao podio feminino Samantha Mulloni (Ria Ferrol) e Mar Chillón (Valencia CA), mentres Daniel (Fent Camí) estivo escoltado no podio por Roberto Vieiro (CA Santiago) e Marcos Cintrón (Lugo Running).
Na Pobra tamén participaron varias atletas da Sociedad Gimnástica, aínda que o club pontevedrés notou a ausencia da súa marchadora estrela, Eva Iglesias.
En categorías inferiores Ainhoa Vázquez obtivo o cuarto posto en idade cadete, seguida de preto de Aida Souto. Pola súa banda Paula López foi oitava en categoría infantil e Noa García décimo cuarta.
Completaron a representación dela Gimnástica Matías Moldes e Inés Rodríguez, na categoría alevín.
A GIMNÁSTICA, NA COMISIÓN DELEGADA DA RFEA
Na recente asemblea da Real Federación Española de Atletismo, o club pontevedrés foi o máis votado (51 votos) polo que repetirá presenza na Comisión Delegada.