A era Antonio Fernández xa forma parte da historia do Pontevedra. O técnico, que foi despedido o pasado mércores, aproveitou a fin de semana para publicar nas súas redes sociais unha mensaxe de despedida dedicado ao club e á súa afección.
Sen ningún tipo de rancor e con palabras de gratitude, o exentrenador agradece en primeiro lugar a oportunidade brindada por un dos seus equipos favoritos. "Moitas grazas por todo Pontevedra!!!", comeza o seu breve comunicado.
A continuación, confesa a "ilusión" que lle fixo comezar este proxecto deportivo en Pasarón e, consciente de que as cousas non foron como esperaba, recoñece que puxo todo o seu empeño en cumprir o obxectivo. "Tenteino desde o coñecemento a constancia e o corazón", sostén o preparador.
Muchas gracias por todo Pontevedra!!!
— Antonio Fernández (@antoniofr22) January 21, 2023
Llegue con mucha ilusión y me voy agradecido,lo intenté desde el conocimiento la constancia y el corazón...gracias a la afición por el apoyo recibido, y mucha suerte en el futuro próximo estoy convencido de q se cumplirán los objetivos. pic.twitter.com/qsoRYADcm5
Tamén ten palabras de agradecemento para a inchada granate, que nunca viu nel ao principal responsable da mala marcha do equipo en Primeira Federación. "Grazas á afección polo apoio recibido", dilles.
Un apoio que se fixo notar ata o último momento e tamén nas respostas ao tweet publicado polo adestrador. Centos de "gústame" e decenas de respostas recibiu a mensaxe do adestrador e, a gran maioría, falan de agradecemento e destacan o traballo e as ganas mostradas polo técnico nun clima de traballo complicado.
Finalmente, Fernández Rivadulla desexa sorte ao club nos retos futuros que, a curto prazo, pasan por tratar de conseguir a permanencia. "Moita sorte no futuro próximo, estou convencido de que se cumprirán os obxectivos", remarca.
Así mesmo, o xa exentrenador aproveitou a súa estancia na cidade para despedirse en privado dos distintos estamentos da contorna do equipo pontevedrés.
Engade Pontevedra Viva como fonte preferida de Google de balde
Mantente informado coas últimas noticias de actualidade.