A escalada urbana chega á Boa Vila cunha nova e vistosa competición que prepara o Club AROMON Pontevedra.
Dentro dos actos previstos polo seu 35 aniversario, a entidade deportiva pontevedresa prepara estes días a que será a primeira competición desta modalidade en Galicia.
"Estamos percorrendo a nosa fermosa cidade, probando e marcando os distintos pasos de escalada que vos farán vibrar", explica o AROMON.
Avanzan desde o club que os escaladores desafiarán "a gravidade en lugares emblemáticos de Pontevedra".
Unha competición que será para todos os niveis e cuxos detalles se irán desvelando nos próximos días.
Bautizada como 'Ponte a escalar' terá lugar o próximo 24 de maio.