Mario García volverá xogar en Segunda Federación da man do Arosa Sociedad Cultural. O defensa vigués, que chegou ao club hai dúas tempadas procedente do Coruxo, seguirá no conxunto arlequinado unha campaña máis tras un complicado ano marcado polas lesións.
O defensor aterrou na Lomba no verán de 2024 e consolidouse como unha peza importante na defensa vilagarciá con máis de 2.000 minutos disputados no seu primeiro curso. Con todo, unha luxación no ombreiro esquerdo trastornou a súa tempada 25/26.
"Lémbroo como unha tempada moi bonita polo ascenso, pero tamén moi difícil no persoal por ter que vivir cunha lesión durante practicamente todo o ano", detallou.
A lesión obrigoulle a pasar por quirofano e a apoiar o seu equipo desde a bancada no tramo decisivo da tempada. Agora, xa recuperado, terá a oportunidade de redimirse e recuperar a súa mellor versión nunha categoría xa coñecida para el como é Segunda Federación.
E é que no curso 22/23 Mario García formou parte dun CD Arenteiro que logrou o ascenso a Primeira Federación tras terminar a liga en primeira posición. A pesar da súa mocidade, o vigués contou con máis de 500 minutos naquela campaña.
O defensa afronta con ilusión o seu regreso á categoría da man do equipo de Gonza Fernández: "Cando vin ao Arosa fíxeno coa ilusión de xogar con este club en Segunda Federación. Agora teño a oportunidade de facelo e estou moi ilusionado".
"Estou seguro de que, desde o traballo e a humildade, conseguiremos os obxectivos que nos marquemos. Vexo un grupo moi forte e competitivo, con grandes equipos, que nos vai a esixir dar o máximo en cada partido", asegurou o vigués.
Doutra banda, o xogador afirma que na Lomba séntese "como en casa" e xa conta os días para volver adestrar: "Estou convencido de que vai ser un gran ano".
Engade Pontevedra Viva como fonte preferida de Google de balde
Mantente informado coas últimas noticias de actualidade.