Nova derrota do conxunto verde no derbi contra o Mariscos Antón Cortegada. O equipo pontevedrés necesitaba gañar na cancha do conxunto vilagarcián para non depender dun milagre nas últimas xornadas para lograr a salvación. Con todo, unha fatídica segunda parte condenou o equipo de Marita Janeiro a caer por 65-49.
As cousas empezaron ben para un Arxil que endosou un parcial de 2-7 ao seu rival nos primeiros dous minutos de partido. Flores inaugurou o marcador e un tiro de tres de Chasse xunto a unha canastra desde o perímetro de Lemongang fixeron os primeiros puntos do conxunto verde.
O Cortegada tratou de reporse, pero unha inspirada Lucía Flores continuou mostrando unha gran faceta anotadora para chegar a distanciar o seu equipo sete puntos no minuto 5 (4-11). O Arxil soubo xestionar esta vantaxe ata o final, pero un tiro de tres de Damaris sobre a bucina mandou o partido 15-19 na parte final do primeiro tempo.
María González ampliou o resultado ao comezo do segundo cuarto e o bo facer do equipo de Marita Janeiro puxo o partido 20-28 aos catro minutos tras a reanudación. Con todo, este foi un punto de inflexión negativo, pois o Cortegada deu a volta ao partido cun parcial de 10-1 que puxo ao Arxil por baixo (30-29).
Aínda que esta remonta foi un golpe anímico, as xogadoras do cadro lerezano disputaron de igual a igual os minutos previos ao descanso para mandar o partido ao ecuador con igualdade máxima no marcador (34-34).
Comezou o terceiro tempo por unha marcada solidez defensiva de ambos os equipos, que non lograron despegar no marcador nos primeiros minutos. Con todo, o conxunto vilagarcián castigou novamente cun parcial de 9-0 nun minuto que puxo o partido 45-36. María González puxo fin á seca do Arxil desde os tiros libres,
De novo María cun triplo logrou achegar ao seu equipo no marcador (47-41), pero o parcial recibido minutos antes foi irremontable e o encontro encamiñouse ao último e definitivo cuarto co resultado de 50-43.
A pesar de que o Arxil necesitaba unha vitoria custe o que custe para aferrarse á salvación, o ritmo imposto polo Cortegada no último tempo condenou o conxunto verde a sufrir unha nova derrota. Outro parcial de 10-0 para as locais puxeron o partido 60-43 a falta de sete minutos para a conclusión, unha renda totalmente irremontable para as de Marita Janeiro.
Cristina Díaz cortou o parcial e Margarita Moreira camuflou un pouco máis o resultado desde os tiros libres nos últimos minutos. Lemongang reduciu a distancia a once puntos cunha canastra desde o perímetro e Ezumah desde os tiros libres fixo o definitivo 65-49.
Esta derrota deixa moi tocado ao Arxil, que necesita practicamente un milagre nas xornadas restantes para lograr a salvación. O conxunto verde necesita gañar os catro partidos que faltan e que o Siroko Xixón perda os seus. A fazaña é realmente complexa para un equipo que só logrou cinco vitorias no que vai de tempada regular.
Consulta a acta neste enlace.