A Selección Española de Ximnasia conta as horas para participar na primeira Copa do Mundo de Trampolín de 2024, penúltima cita puntuable para a clasificación olímpica.
Co equipo nacional atópase xa en Bakú, Acerbaixán, unha representante do Club Ximnasia Pontevedra como Melania Rodríguez, xunto ao seu adestrador Pablo Hinojar.
Melania, que quedou no Mundial a menos de tres décimas de lograr o billete olímpico, acode a Bakú co obxectivo de conseguir unha boa actuación que lle achegue a París 2024, aínda que a clasificación non se decidirá ata o clasificatorio previsto en marzo.
A Copa do Mundo de Trampolín de Bakú celebrarase do venres 23 ao domingo 25 de febreiro.