Duro sorteo para o Poio Pescamar nos oitavos de final da Copa da Raíña.
O conxunto conserveiro buscará un oco na fase final ante un dos equipos máis laureados do fútbol sala nacional.
O bombo do sorteo celebrado este martes na sede da RFEF emparellou as vermellas co Futsi Atlético Navalcarnero, actual campión de liga e 7 veces vencedor de Copa.
Non está a ser, iso si, o mellor inicio de campaña das madrileñas, que tras cinco xornadas de liga transitan na sétima posición do campionato regular con 7 puntos, 4 menos que o que será o seu rival no Torneo do K.O.
O Poio está só a un encontro da final a 8, xa que a eliminatoria como é costume disputarase a partido único.
O consolo para as xogadoras adestradas por Luís López-Tulla é que o duelo terá lugar no pavillón da Seca, unha vantaxe de campo que pode resultar tremendamente importante.
Os oitavos de final da Copa da Raíña están fixados no calendario para os días 16 ou 17 de decembro.
O Poio Pescamar chegou a esta rolda tras eliminar no seu primeiro cruzamento o Almagro da Segunda División.