deportes

Brais Abelenda abandona o Pontevedra e xogará na Ponferradina

Pontevedra
01 de xullo 2023
Almu Dapena

Foi a Ponferradina, a través das súas redes sociais, a que confirmou a chegada do mediapunta, unha das pezas máis importantes do conxunto lerezano a pasada campaña anotando 10 goles en 35 partidos

Brais Abelenda, no partido de Primera RFEF entre Pontevedra CF - Deportivo de la Coruña en Pasarón
Brais Abelenda, no partido de Primera RFEF entre Pontevedra CF - Deportivo de la Coruña en Pasarón / MosRey Fotografía

O mercado de fichaxes está que arde esta fin de semana e son numerosos os equipos os que están a anunciar desde primeira hora as chegadas e saídas de moitos xogadores.

Sabíase desde hai poucas horas, cando o Pontevedra anunciou a marcha de doce xogadores do primeiro equipo, que Brais Abelenda non continuaría vestindo a elástica granate, pero foi este sábado cando se coñeceu de forma oficial onde xogará a próxima tempada.

Foi a Ponferradina, a través das súas redes sociais, a que confirmou a chegada do mediapunta, unha das pezas máis importantes do conxunto lerezano a pasada campaña anotando 10 goles en 35 partidos.

Máis novidades