O Club Cisne Balonmán segue a avanzar con paso firme na planificación da próxima tempada.
Faino esta vez asegurándose a continuidade dun dos talentos forxados na súa canteira, como é Martín Santos.
O extremo esquerdo alcanzou un acordo para a súa renovación co Cisne, co que afrontará a súa cuarta tempada consecutiva no primeiro equipo tras o seu ascenso desde o xuvenil para o curso 23-24.
Desde entón Martín foi gañando aos poucos protagonismo no equipo, até chegar a participar o curso recentemente finalizado en 30 dos 35 partidos de liga.
Coa súa renovación pasan a ser 14 os xogadores confirmados polo Cisne para a próxima tempada.
Súmase de feito a unha lista na que xa figuraban os tamén renovados Roney Franzini, Alberto Delgado, Manu Lorenzo, Abián Rodríguez, Iago Costas, Dani Virulegio e Bruno Landim, o recuperado tras cesión Manu Hernández, Yago López que contaba con contrato en vigor e os fichados Juan Saco, Carlos Gómez, Luisma de Goya e Tomás Moreira.