O Teucro estará representado esta fin de semana no Campionato de España de Balonmán Praia que se disputa na localidade cántabra de Laredo.
Os laterais do conxunto azul Carlos Pombo e Víctor Rodríguez deixarán por uns días os adestramentos ás ordes de Quique Domínguez para disputar o torneo cos seus respectivos equipos, aos que se sumarán o sábado 2 de agosto, un día despois de que comece a competición.
Víctor Rodríguez xogará co Painkillers, equipo que se proclamou o pasado sábado campéon galego na praia de Baltar precisamente ante o seu compañeiro no Teucro, nas filas do PTV Handstard, un conxunto composto en gran parte por xogadores pontevedreses.
A representación teucrista péchaa o xuvenil Felipe Lorenzo co bloque xuvenil do Painkillers.
No Campionato de España de Balonmán Praia participarán un total de 43 equipos sénior masculinos, 20 sénior femininos, 10 xuvenís masculinos e 9 xuvenís femininos.