Despois de sete xornadas de intensa competición, os Campionatos de España de Seleccións Autonómicas de balonmán chegaron este domingo ao seu fin coa disputada das diferentes finais.
Cataluña foi a gran triunfadora dos torneos que congregaron a máis de 2.000 deportistas en idade infantil, cadete e xuvenil na provincia, principalmente en Pontevedra e Vigo, ao levar cinco das seis medallas de ouro posibles.
Fixérono en infantil feminino e masculino, cadete feminino e masculino e na idade xuvenil masculina, xa que na feminina Madrid venceu precisamente ao equipo catalán por 34 goles a 17.
Galicia pola súa banda só chegaba cunha opción de medalla á xornada final, e logrouna grazas ao bronce conseguido pola selección xuvenil masculina tras a vitoria sobre Madrid (32-29), cunha actuación estelar de Martín Gayo (12 goles).
En canto aos resultados da Copa de España Euskadi e Canarias venceron nas categorías xuvenil masculina e feminina, Castela A Mancha e Castela-León na feminina, vencendo neste caso a Galicia, e Madrid e Andalucía venceron na idade infantil.
Ponse así punto e final a unha experiencia deportiva que deixou durante estes días ata 291 partidos repartidos por diferentes pavillóns da provincia e un grande ambiente de balonmán polas rúas da cidade.