Derrota do Club Cisne Balonmán na cancha do Handbol Club Eivissa (31-23). O equipo pontevedrés, que foi a remolque desde o primeiro tempo, non puido sumar para certificar de forma matemática a permanencia.
Aos de Marcos Quiños só fáltalles evitar o play-out de forma matemática, algo que se podería dar no caso de que o Oviedo non gañe este domingo ao Trops Málaga. En caso contrario, terán unha nova oportunidade de selalo o próximo fin de semana.
O inicio foi complexo para un Cisne que comezou mandando con gol de Yago López, que inaugurou o marcador do partido. Xoán ampliou a vantaxe e Daniel Bernardez xunto a Edu Ortiz devolveron a igualdade cos primeiros tantos do Handbol Eivissa (2-2)
Bruno Landim adiantou de novo ao Cisne e a partir deste momento comezou a distanciarse o conxunto local, que endosou un doloroso parcial de 5-0 para porse 7-3 no minuto 10 de partido. Apareceu Manu Lorenzo para cortar a seca cisneísta.
O equipo ibicenco quedou en inferioridade numérica no minuto 15 pola exclusión de Mauricio, situación que aproveitaron os de Marcos Quiños para volver meterse no partido grazas aos tantos de Álex e Yago López (8-7).
E golpeou de novo o Eivissa. Esta vez foi cun parcial de 3-0 que puxo ao Cisne de novo catro goles abaixo a dez minutos do ecuador. Nesta ocasión non houbo unha reacción tan marcada, pois a escuadra lerezana foi a remolque dos locais nestes minutos finais e o encontro chegou ao descanso con 15-12 no electrónico.
Bruno Landim acurtou distancias tras o paso por vestiarios e Biel Valera devolveu o golpe de forma case inmediata. Os minutos transcorreron sen que o Cisne lograse meterse de novo no partido, pois a alternancia de goles mantivo a cómoda renda dos locais.
Marcos Quiños pediu tempo morto a quince minutos do final para tratar de recortar unha distancia que non se reducía por moito que os seus o tentasen (22-18).
Con todo, o Eivissa manexou os tempos á perfección e fixo a brecha máis grande aínda. Os pontevedreses xa caían por sete goles cando só quedaban sete minutos de partido (27-20).
O conxunto balear non atopou demasiada oposición para manter a súa vantaxe nun tramo final sen opcións para os de Quiños, que non ameazaron cun intento de arreón.
Concluíu o partido co resultado de 31-23, unha derrota que priva ao Club Cisne Balonmán de certificar matematicamente a súa salvación e evitar o play-out. Isto poderíase darse este mesmo domingo no caso de que o Oviedo non gañe o seu partido fronte ao Trops Málaga.
Si o conxunto asturiano gana, a escuadra cisneísta terá unha nova oportunidade de selar a permanencia na próxima xornada fronte ao Barça Atletic.
Consulta as estatísticas neste enlace.