A Sociedad Deportiva Teucro quere canto antes o seu primeiro triunfo do curso, se pode ser este mesmo sábado (18:30 horas) na visita ao Pavillón Municipal dos Deportes do Ciudad de Logroño, un óso duro que "se ha reforzado muy bien".
Así o asegura un Luís Montes que cre que o cadro rioxano "está luchando por ganar la liga de los mortales" tras o imbatible Barcelona.
A pesar diso o técnico asegura que a clave estará en buscar a regularidade no xogo, xa que os azuis acusaron nas primeiras xornadas os malos comezos con parciais en contra que puxeron costa arriba ambos os dous encontros.
"Necesitamos una defensa proactiva, agresiva, transiciones ordenasa y movilidad en el ataque", defende Montes como receita para vencer o Logroño.
O positivo para o preparador pontevedrés é que poderá contar con todo o plantel dispoñible para a cita. Non así Miguel Ángel Velasco nos visitantes, que chegarán a Pontevedra sen o seu único extremo dereito nato e máximo goleador ata a data, Javi Muñoz, afectado dun proceso vírico.
O Logroño saltará á pista do Municipal tras dous empates nas dúas primeiras xornadas da Liga Asobal, ante pesos pesados como Ademar e Granollers.
Os colexiados do encontro serán o madrileño Monjo Ortega e o valenciano Soria Fabián.