Chega a hora da verdade para o Leis Pontevedra Fútbol Sala Feminino, que estrea a tempada en Segunda División recibindo a un óso duro, o Soto del Real.
Despois dunha intensa pretempada as pontevedresas queren confirmar as súas boas sensacións ante un dos favoritos do grupo, equipo recén descendido da máxima categoría.
Un dos técnicos do equipo tras a unión co Marcón, David Muñoz, cualifica o debut ligueiro como "un partido moi complicado", pero asegura que "estamos a preparar ben o encontro e a nosa intención é a de competir ao maior nivel que a estas alturas da tempada se permita".
O choque disputarase no Pavillón Municipal dos Deportes o domingo 5 de outubro ás 12:00 horas.