Partido con moito centrocampismo e poucas ocasións de verdadeiro perigo. O Rápido de Bouzas adiantouse pronto e logo perdoou a sentenza nun par de oportunidades desperdiciadas por Tomás, mentres os locais, que encontraron máis dificultades que en partidos anteriores para chegar á área rival, dispuxeron dunha acción inmellorable para empatar no último suspiro, pero Dani Muradás fallou de forma incomprensible a porta baleira.
Os vigueses comezaron mellor e adiantáronse aos catro minutos cun gol de Miki ao rematar de cabeza un centro de Vilas, anticipándose ao debutante Emilio.
O gol esporeou o Sanxenxo que pasou a dominar lixeiramente durante algúns minutos, con ocasións de relativo perigo nas botas de Nel e Ramón, ata que superado o ecuador do primeiro tempo o xogo se equilibrou.
Alfonso, baixo paus, evitou na segunda parte a sentenza visitante, sacando un remate de Tomás, ata que no desconto Nel marcha da defensa e cede ante a saída de Sergio Ríos para Dani Muradás, quen intenta controlar a porta baleira e cando remata o balón váiselle fóra cando estaba a pouco máis dun metro da portaría rival.
XUVENTÿ SANXENXO (0): Vila; Diego Peña, Emilio, Héctor, Alfonso, Guille, Nel, Jonathan (Dani Muradás, min. 76), Cuchi, Ramón (Suso Vidal, min. 70) e Rubén (Diego González, min. 82).
RÁPIDO DE BOUZAS (1): Sergio Ríos; Pablo, García, Portas, Yago Yao, Sergio, Miky, Iago Paz, Tomás (Gabi Misa, min. 86), Diz e Vilas (Yahvé, min. 62).
Árbitro: Alain Kevin García Martín (Santiago), auxiliado nas bandas por Alberto Zas Varela e Agustín Hernández Giadans. Amoestou a Ramón e Suso Vidal polos locais e Iago Paz polo Rápido de Bouzas.
Goles: (0-1) Minuto 4: Miki.
Incidencias: Campo Municipal de Baltar de Arriba (Sanxenxo). Uns 200 espectadores.