Daniel Jiménez, do Grupo Deportivo Supermercados Froiz, foi o mellor do equipo cun terceiro posto na clasificación xeral da Volta a Castelló 2023.
A carreira iniciouse o xoves coa primeira etapa, onde Raúl Casalderrey (Froiz), protagonizou unha longa fuga acompañado de Sexan Christian (Aevolo) e de Holfund (IBT Tripeak), para coroarse líder de metas volantes.
Volveron destacar os ciclistas do equipo pontevedrés na terceira etapa, con Ángel Maneiro e Alejandro Luna, que protagonizaron un intento de escapada xunto a outros 15 corredores.
O grupo conseguiu facer camiño á subida a Salsadella con case dous minutos de marxe e Raúl Casalderrey, pola súa banda, mantívose na fuga ata a Meta Volante de Traiguera, o que lle valeu para puntuar e manter o seu liderado a un punto de De Paula.
A pesar de que o equipo estaba a correr moi ben, Daniel Jiménez e Álvaro Navas sufriron unha caída e este último tívose que retirar por unha fractura do metacarpiano.
No desenlace da Volta a Castelló, o Supermercados Froiz asinou unha boa carreira, atento aos cortes con Alejandro Luna e Dani Jiménez destacando xunto a un grupo de 10 corredores no quilómetro 15, xusto antes de iniciar a primeira subida puntuable.
Con todo, aos poucos fóronse quedando atrás a pesar dos intentos de manter o ritmo e, con iso, a camisola de Casalderrey, que finalmente Daniel Caviá arrebatoulle.
O que si conseguiu Daniel Jiménez foi facerse co terceiro posto na clasificación xeral, sendo o mellor da escuadra alimenticia nesta Volta a Castelló