O equipo español de natación artística, con Daniela Suárez entre as integrantes, está a facer historia no Campionato de Europa júnior que se disputará até este domingo en Atenas.
A primeira xornada estivo marcada por roldas as preliminares, pero tras elas, as medallas non tardaron en chegar.
Unha delas foi para o equipo técnico formado por Naia Álvarez, Ariadna Benito, Rocío Calle, Isabel Shuang Cui, Xenia de la Puente, Carla Lorenzo, Paula Marcipar, Daniela Velázquez, Lily Gualteri e Daniela Suárez, que levou a medalla de ouro con moita vantaxe sobre as segundas.
O combinado español impúxose con 260,5326 puntos por diante de Italia (246,7800), que se colgou a prata, e de Francia (241,2933), que foi bronce.
A falta dunha xornada por disputarse, España acumula dous ouros, tres pratas e un bronce.
A pontevedresa terá dúas novas oportunidades para volver subir ao podio este fin de semana nas probas acrobática e de equipo libre.