A nova Asociación de Ex-Xogadores Granates estreouse esta fin de semana en competición participando nun torneo cuadrangular de veteranos na localidade portuguesa de Barcelos.
O equipo do Pontevedra Club de Fútbol participaba xunto ao Real Club Celta, Sporting de Portugal e Gil Vicente.
A convocatoria granate compoñíana Muradás, Román, Caco, Maldini, Rafa Sáez, Aitor Díaz, Iglesias, Padín, Sorbet, Lodeiro, Ricardo, Richi, Tonete, Baptiste, Roberto, Toño García, Cuchi, Hugo e Diéguez.
Na semifinal o Pontevedra superou por 0-3 o Gil Vicente con dous tantos de Richi e un de Hugo, citándose na final do torneo cun Celta que venceu pola súa banda ao Sporting lisboeta.
O encontro decisivo finalizou con empate a un gol (marcou Maldini), decidíndose o torneo nos penaltis en favor do equipo granate.