O Concello de Pontevedra decidiu decretar o peche durante a tarde deste luns 26 de xaneiro das instalacións deportivas da Xunqueira e tamén o campo de fútbol de Ponte Sampaio.
Esta decisión provoca irremediablemente a suspensión de todas as sesións de adestramento previstas nas instalacións.
A medida foi acordada pola Dirección Xeral de Seguridade do Concello de Pontevedra debido á alerta vermella por choiva decretada no interior da provincia e en especial nos municipios da Conca do Lérez.
No caso de Pontevedra a decisión preventiva céntrase nas instalacións que se atopan "en zonas inundables".
Estes equipamentos deportivos son os campos de fútbol do Complexo Deportivo Municipal Manolo Barreiro, o campo de fútbol de Ponte Sampaio e tamén aos pavillóns Multisos e dos colexios Xunqueira 1 e Xunqueira 2.
Polo momento a medida limítase unicamente á tarde deste luns.