Álvaro Denis Vivar Becerra, 'Denis', non completará a tempada co Arosa.
O defensor malagueño, de 21 anos, e o club arlequinado chegaron a un acordo para a rescisión do contrato que lles unía para que o futbolista se poida incorporar á Gran Peña-Celta C que milita en Preferente.
Denis pon fin á súa etapa en Vilagarcía sen chegar a debutar na Segunda RFEF, aínda que "tentei dar o máximo en cada adestramento e axudar aos compañeiros", sinalou o propio xogador.
Formado na canteira do Málaga e tras pasar polos filiais de Rayo Vallecano e Hércules, o defensor iniciará agora unha nova etapa aínda que o fará "cunha espiña cravada por non poder demostrar o que vallo".
A pesar diso o futbolista asegura que se vai "cun agarimo enorme cara ao Arosa e a Vilagarcía".