Apenas catro días estivo a proba Marcelo Faría no Pontevedra CF. O xogador portugués non fichará finalmente polo conxunto granate.
Así o confirmou o club a través dun comunicado. Aseguran que o corpo técnico entende que as características do futbolista luso non se adaptan ás necesidades do primeiro equipo.
Marcelo Faría, que presenciou o partido do domingo fronte ao ÿrdenes, é un xogador de 24 anos e de corte defensivo, natural de Viana do Castelo. Durante esta tempada xogara once partidos, seis deles como titular, no Santa María de la Segunda Divisao portuguesa, equivalente á Segunda B española.
A pesar de non contar con el, o Pontevedra CF manifesta os seus desexos de que o deportista teña moitos éxitos na súa carreira profesional.