A Sociedad Gimnástica de Pontevedra presume de fichaxe. Unha das incorporacións realizadas polo club pontevedrés esta tempada para o seu equipo de División de Honra está a responder ás expectativas desde o primeiro momento.
Trátase de Diego Casas, que a pesar de ser aínda sub-23, vén de clasificarse para a Copa de Europa de Lanzamentos que se celebrará en Portugal a finais do mes de marzo.
O atleta castelán-leonés bateu a súa mellor marca persoal en lanzamento de disco nun control celebrado o pasado día 8 de febreiro no CAR de León, conseguindo un rexistro de 54.06 metros no seu primeiro intento que lle dá a clasificación para a copa europea.
Ademais Casas conseguiu mellorar a súa marca en lanzamento de peso e bater a mínima para participar no Campionato de España de Pisa Cuberta Sub-23, grazas a un intento de 15.80 metros.
@Atleta99Casas se hizo con la mínima para la Copa de Europa en lanzamiento de disco con 54.06 Además, también consiguió la mínima para el Campeonato de España de Pista Cubierta de lanzamiento de peso con 15.80. ¡¡Enhorabuena!! #SGP1927 #atletismo #athletics pic.twitter.com/Ztns3QT8QI
— Sociedad Gimnástica (@SGimnastica) February 13, 2020