Duelo de xeiras positvas o que se vivirá este sábado (18:15 horas) no pavillón municipal La Fortuna de Legánes.
Ata a comunidade madrileña desprázase o Poio Pescamar para render visita a un Leganés que encadea catro vitorias consecutivas na liga.
As vermellas, que venceron nos seus seis anteriores enfrontamentos e situáronse só dous puntos do liderado, queren seguir crecendo na Primeira División tras o impulso que supuxo vencer a pasada xornada ao ata entón invicto Roldán.
Marcio Santos recupera efectivos para a cita e poderá contar de novo con Carlo Agulla, tras a súa participación coa Selección Española Sub-17, pero contará coa dúbida ata última hora de Ale de Paz.
Desta forma a convocatoria compóñena, ademais de Ale: Silvia, Mónica, Jenny Lores, Patri Corral, Ceci, Iria Saeta, Carol, Yoli, Vane Bugallo e Jessi Lores.
Pola súa banda o Leganés, oitavo clasificado con 13 puntos, a seis do Poio, contará coa ausencia de More.