O título da Liga Galega de División de Honra escapóuselle ao Club Natación Galaico, pero non por iso o resultado obtido na xornada final celebrada en Lugo deixou de ser positivo para o club pontevedrés.
"Pelexamos con todo o que tiñamos ante dous grandes rivais", recoñecen desde o Galaico felicitando o club que chegaba como vixente campión e favorito, o CN Portamiñá que ademais actuaba como local.
Foi o Portamiñá o que encabezou a clasificación final con 430,5 puntos, seguido do Galaico con 359,5 e do CN Ferrol con 260 puntos.
Pola parte baixa o CN Ponteareas loigraba salvar a categoría descendendo CN Arteixo e Fluvial de Lugo.
É un resultado ao que desde a Boa Vila outorgan valor xa que "rematamos subcampións de Honra na tempada na que ou Galaico voltaba á máxima categoría", destacan.
Ademais as súas deportistas conseguiron resultados destacados, batendo dúas plusmarcas autonómicas.
Antía García rebaixou a súa propia marca galega nos 50 libres (25.24 segundos), e a remuda 4x50 feminina bateu cun tempo de 1:46.18 unha marca galega que databa do ano 2009 e que estaba en poder do propio Galaico.