Valioso empate o conseguido polo Leis Pontevedra no Pavillón Municipal dos Deportes, ao logralo ante un dos equipos que compartía o liderado da Segunda B de fútbol sala, o Atlético Benavente (5-5).
Os pontevedreses reforzan a súa moral tras un encontro que comezou ben, cun gol de Sergio no primeiro minuto.
Os locais estaban ben plantados en defensa e contaban con ocasións, pero non puideron evitar recibir dous goles dun dos favoritos ao título. Así, chegábase ao descanso cun merecido empate a dous tantos.
Na segunda parte repetiuse o mesmo guión, cos equipos moi igualados. Chegouse ao tramo final con 3-4 no marcador, momento no que os de Manu Cossío botaron o resto para remontar e poñerse en vantaxe.
A alegría desafortunadamente durou pouco e o Benavente facía o empate a 5 final na seguinte acción.
Un punto en todo caso importante para o Leis Pontevedra antes de ter que enfrontarse na próxima xornada a un rival directo pola permanencia, o Arroyo, actual pechacancelas da competición. Os pontevedreses pola súa banda son décimos con 6 puntos.