A Copa do Rei 2025/26 avanza no seu calendario tras o tres primeiros días de competición e xa perfila o camiño cara á esperada segunda rolda, que se disputará entre o 2 e o 4 de decembro.
Dos 112 equipos que iniciaron a aventura copeira, só 56 lograron acceder a esta nova fase. Entre eles figura o Pontevedra Club de Fútbol, que obtivo a súa clasificación tras imporse á Unión Deportiva Ourense na quenda de penaltis.
Athletic Club, Atlético de Madrid, FC Barcelona e Real Madrid quedarán exentos do sorteo, xa que se incorporarán na terceira rolda debido á súa participación na Supercopa de España.
Dos 56 restantes, 15 son de Primeira División, 17 de Segunda, 11 de Primeira RFEF, 11 de Segunda RFEF e dúas de Terceira RFEF.
Os cruzamentos volverán rexerse por criterios de proximidade xeográfica e pola categoría dos clubs, garantindo que os equipos de liga inferior exerzan como locais fronte ao superior. En caso de enfrontarse dous conxuntos da mesma división, o equipo cuxo nome sexa extraído primeiro do bombo xogará en casa.
Nesta segunda rolda, a distribución reducirase a dous grupos en lugar do catro da eliminatoria inicial.
Desta forma, todo indica que o Pontevedra recibirá en Pasarón a un equipo de Segunda División, con Burgos CF, Racing de Santander, Cádiz, Granada, Albacete, Cultural Leonesa, Huesca, Zaragoza, Ceuta, Leganés, Sporting, Almería, Eibar, Mirandés, Andorra, Málaga ou Deportivo de La Coruña como posibles rivais.
Grupos de clasificación:
-
Grupo 1: Real Sociedad, Celta de Vigo, Alavés, Burgos, Racing de Santander, Cultural Leonesa, Sporting, Deportivo de La Coruña, Eibar, Mirandés, Ponferradina, Ourense CF, Racing de Ferrol, Pontevedra CF, Numancia, Portugalete e Real Ávila.
-
Grupo 2: Espanyol, Girona, Osasuna, Mallorca, Huesca, Real Zaragoza, FC Andorra, CE Sabadell, Ebro, Reus FC Reddis, UE Sant Andreu e Atlético Baleares.
-
Grupo 3: Betis, Sevilla, Valencia, Elche, VilLarreal, Levante, Cádiz, Granada, Ceuta, Almería, Málaga, CartaGena, Eldense, Real Murcia, Torrent, Cieza e Atlético Antoniano.
-
Grupo 4: Getafe, Rayo Vallecano, Albacete, Leganés, Guadalajara, Talavera, Tenerife, Estremadura, Navalcarnero e Quintanar del Rey.
O sorteo dos emparellamentos celebrarase o vindeiro martes 11 de novembro no salón de actos Luís Aragonés da Cidade do Fútbol de Las Rozas e poderá seguirse en directo, de forma gratuíta, a través das plataformas oficiais da RFEF, así como por Teledeporte e RTVE Play.