O Pontevedra Club de Fútbol vestiu de novo de loito esta fin de semana, aínda que esta vez non foi por un ex-xogador ou lenda do club, senón por un afeccionado que deixou pegada pola súa fidelidade.
Este sábado 12 de novembro faleceu Severino Penelas 'Seve', histórico afeccionado e socio da entidade granate, na que ostentaba un dos números de abonado máis baixos, o número 3.
Moi coñecido na cidade por rexentar durante décadas e ata principios dos 90 a local 'Casa Lores', Seve Penelas faleceu aos 91 anos de idade.
A Real Basílica de Santa María a Maior acollerá este luns 14 de novembro un funeral na súa memoria a partir das 18.00 horas da tarde.
Lamentamos profundamente o falecemento de Seve Penelas, socio número 3 do Pontevedra CF
Enviamos todo o noso apoio a familiares e achegados— Pontevedra CF (@PontevedraCFSAD) November 13, 2022
DEP pic.twitter.com/oHCAqPvpUg