O equipo absoluto do Club Natación Galaico meteuse de cheo na batalla directa pola liga de clubs naDivisión de Honra a falta dunha xornada por disputarse.
O conxunto pontevedrés, que exerceu de anfitrión nesta ocasión, fíxose co primeiro posto no CD Rías do Sur acumulando un total de 364 puntos.
Moi preto do Galaico situouse o Portamiña Lugo, con 352 puntos, seguido do Ferrol con 340.
Un pouco máis atrás quedaron Ponteareas con 257 puntos, Arteixo con 219 e Fluvial Lugo, que pechou o grupo con 105.
Unha vez concluída a terceira xornada, o equipo que se atope na primeira praza será o organizador da gran final, onde se decidirá o campión.