En plena reestruturación do plantel o Poio Pescamar asegura o gol cunha nova incorporación, a de Patri Corral, que se une á recentemente anunciada volta de Cecilia Puga.
Patri, que o pasado ano sumou 19 goles na máxima categoría nas filas do Lacturale Orvina navarro, formouse no Viaxes Amarelle coruñés.
"Destaca por ser rápida e explosiva, con caneo e bo manexo de balón", sinala o club vermello da súa nova xogadora, que adoita actuar de ala esquerda.
Coa incorporación de Patri e a volta aos terreos de xogo da gardameta Silvia Aguete, o Poio Pescamar ten encarrilado o plantel a poucos días do inicio da pretempada.
Actualmente, ademais de Patri e Silvia, están confirmadas no equipo Ale de Paz, Jenny, Jessi, Suki, Charo e Carolina.