O taekwondo pontevedrés ten unha importante cita esta fin de semana en Eindhoven, onde se disputa o 12 e 13 de marzo Open de Holanda, de categoría G-1.
Os deportistas da comarca presentes tentarán sumar valiosos puntos para o ránking internacional nunha competición que contará con 1.104 participantes con taekwondistas de Gran Bretaña, Francia, Turquía, Rusia, Croacia, Alemaña ou Francia, entre outros.
Alí estarán, en categoría senior, Lúa Piñeiro (Natural Sport) e Katya Calvar (Mat's) en -67 quilos, Xián Silva (Mace Sport) en -74 quilos e Borja Ríos (Hebe) en -63 quilos.
Ademais en categoría junior participarán en Holanda Jessica Blanco, Unai Silva e Javier González, todos eles deportistas do Mace Sport pontevedrés.