Acaban os calificativos para Hugo Casañas.
O atleta pontevedrés, que desde esta tempada compite polo Ourense Atletismo aínda que se segue a formar a diario no Centro Galego de Tecnificación Deportiva, foi un dos grandes protagonistas do Campionato de España de Lanzamentos Longos celebrado en Castelló.
Casañas non só logrou un novo titulo nacional, senón que o fixo cunha marca estratosférica no lanzamento de disco sub-18.
O pontevedrés, que a pesar de contar con 15 anos compite nunha categoría superior, conta no seu haber con até 14 marcas nacionais.
Esta vez co seu mellor lanzamento do campionato, no seu quinto intento, lanzou o disco até os 64.51 metros, o que supón unha nova mellor marca mundial para un deportista masculino de 15 anos co disco de 1,5 quilos.
Supera en máis de medio metro o anterior rexistro, que era de Connor Bell con 63.93 metros. Unha fazaña que foi compartida polos medios oficiais da Real Federación Española de Atletismo.
O "pequeno" Hugo Casañas é doutro planeta 🌍 🫨
— atletismoRFEA (
Atentos ao que fixo no #CElanzamientos 👉🏽 Disco 1,5kg Sub18
📏 6️⃣4️⃣,5️⃣1️⃣m
𝐌𝐄𝐉𝐎𝐑 𝐌𝐀𝐑𝐂𝐀 𝐌𝐔𝐍𝐃𝐈𝐀𝐋 para un 🚹 de 15 anos‼️
*Anterior Connor Bell 63,93m
📊 https://t.co/zDICO4Ii5H pic.twitter.com/iMmNIaQOYqatletismoRFEA) March 1, 2025
Como non podía ser doutra forma o lanzamento valeulle o ouro, superando por unha disancia de nove metros ao segundo clasificado, Yeray Royuela (55.45 metros). De feito até o seu peor intento válido nesta competición (60.68 metros) teríalle dado o primeiro posto con autoridade.
En Castelló houbo outras medallas para atletas de clubs da comarca, como a prata de Anxo Filgueira (Atletismo Rías Baixas) no martelo sub-18, a prata de Pablo Costas (Sociedad Gimnástica de Pontevedra) na xavelina absoluta ou a tamén prata de lograda por Álex César (Agrupación Atlética Mazí de Vilagarcía) no lanzamento de xavelina Sub-18.